Бүгүн, 17-июль күнү Бишкек шаарында өтүп жаткан эл аралык футбол мелдешинин алкагында Кыргызстандын олимпиадалык (U-23) курамасы өзүнүн алгачкы беттешин Сирияга каршы өткөрүп, оюн 2:1 эсебинде Сириянын жеңиши менен жыйынтыкталды.
Эсеп санын 27-мүнөтө Сириянын оюнчусу ачты. Ал эми 67-мүнөттө кураманын жарым коргоочусу Арсен Шаршенбеков гол киргизип эсеп санын теңеди. Оюндун экинчи бөлүгүндө Сириялыктар гол киргизип, алдыга чыкты. Ал эми “Достук Арена” стадионундагы беттеш 1:0 эсебинде Омандын жеңиши менен аяктады.
Жаш футболчулар кийинки оюнун 20-июль күнү Оманга каршы өткөрөт.
Белгилей кетсек, бул мелдеш 2025-жылдын 1–9-сентябрында Бишкекте өтө турчу Азия Кубогунун (U-23) тандоо турунун алдындагы даярдык катары өткөрүлүүдө. Кыргызстан E тайпасына түшүп, Өзбекстан, Палестина жана Шри-Ланка менен беттешет.
