Грек-рим күрөшү Федерациясынын вице-президенти Ахрор Иминов уюшкан кылмыштуу топту каржылаганы үчүн кармалды. Бул тууралуу УКМКдан билдиришти.
Кылмыш-жаза кодексинин 261-беренесинин 2-бөлүгүндө (Уюшкан топ түзүү же ага катышуу) козголгон кылмыш ишинин алкагында ыкчам-иликтөө иш-чараларын жүргүзүүдө Камчы Көлбаевдин уюшкан кылмыштуу тобунун айрым мүчөлөрүн каржылаганы үчүн грек-рим Федерациясынын вице-президенти Ахрор Иминов кармалды.
Ал жүктөрдү ташуу жана логистика боюнча бир катар компаниялардын ишмердүүлүгүн жүргүзгөн, ошондой эле уюшкан кылмыштуу топтордун мүчөлөрүнө жалпы кассасына акча (жалпы пайданын болжол менен 30%) чогултуп жүргөн.
Тиешелүү иш-чаралардын жыйынтыгы менен ал Бишкек шаардык ички иштер башкармалыгынын убактылуу кармоочу жайына киргизилди.
Учурда тергөө иштери жүрүп жатат.
