Аккан арыктан суу агат демекчи, ата жолун улантып келе жаткан Султаналиев Кубандык ички иштер органында 5 жылдан бери кызмат өтөп келет.
Коомдук коопсуздукту камсыздап, кылмыштуулук менен күрөшүп келген кызматкер бул кесипти тандашына атасы түрткү болгондугун белгиледи.
Каармандын атасы Сагыналиев Бакытбек Бешкемпирович 36 жыл ички иштер органында кызмат өтөп, катардагы сержанттан баштап милициянын подполковниги атайын наамына чейин жетип ардактуу эс алууга чыккан. Ал учурда уулу Кубандыкка бар болгон тажрыйбасы жана акыл-насааттары менен бөлөшүп, өз антына бекем болуп эл үчүн кызмат кылууга багыт берип келет.
Ал эми, Султаналиев Бакытбектин атасы – Бешкемпир Султаналиев милиция кызматкерлеринин династиясынын өзөгү болуууга түрткү болгон.
Султаналиев Кубандык Токтогул районунун Ички иштер бөлүмүнүн Терек-Суу айылдык милиция бөлүмчөсүндө милициянын аймактык ыйгарым укуктуу өкүлү болуп кызмат өтөйт.
Терек-Суу айылы— Кыргыз Республикасынын Жалал-Абад облусунун Токтогул районундагы айыл. Кетмен-Төбө айыл аймагынын курамына кирет. Айылдык милиция бөлүмчөсүнүн тейлеген аймагында эки айыл өкмөттү камтып, калкынын саны 16 миңден ашуун түтүндү түзөт.
Посмотреть эту публикацию в Instagram
