Америкалык ишкер жана миллиардер Илон Масктын Neuralink компаниясы адамдын мээсине имплант койду.
Анын айтымында, бул түзмөк ээсине ойдун күчү менен смартфонду же компьютерди башкаруу мүмкүнчүлүгүн берерин жана биринчи кезекте колу-буту иштебей калган адамдар үчүн түзүлгөнүн билдирди.
“Элестетип көрүңүз, Стивен Хокинг текст жазган адамдан же аукциондун алып баруучусунан тез сүйлөп калса кандай болмок эле. Биздин максатыбыз да ушундай”, — деди ал.
Маск ошондой эле мындай кызматтын баасы болжол менен 60 миң доллар болушу мүмкүн экенин айткан.
2023-жылдын сентябрында Илон Масктын нейротехнологиялык компаниясы Neuralink мээ имплантын имплантациялоо боюнча клиникалык сыноолорго ыктыярчыларды издей баштаган. Neuralink 2016-жылдан бери иштеп келе жатат, анын максаты шал оорусуна кабылган адамдар кайра кыймылдай алышы үчүн мээ жана жүлүн жаракаттарынын кесепеттерин жоюуга жардам бере турган чипти түзүү.
