Индиянын түндүгүндө катуу ысыктан улам 98 адам каза болду. Бул тууралуу India Today басылмасы жазып чыкты.
Маалыматка ылайык, окуя акыркы үч күндө Уттар-Прадеш жана Бихар штаттарында болгон. Жалпысынан 400 жабырлануучу Уттар-Прадештин Балия районундагы ооруканага жаткырылып, анын ичинен 54 адам каза болду. Ал эми, Бихар штатында ысыктан 44 адам каза болгон. Ал жакта абанын температурасы 44 градуска жеткен.
Райондук саламаттыкты сактоо кызматкери Джаянт Кумардын айтымында, жабырлануучулардын көбү 60тан ашкандар.
