Иранга учуп барган португалиялык футболчу Криштиану Роналдуну күйөрмандары кол булгалап кубануу менен тосуп алышты. Бул тууралуу видеолор социалдык тармактарга тарады.
Роналду саудиялык «Аль-Наср» клубу менен бирге жергиликтүү «Персеполис» клубуна каршы беттешке учуп келген. Футболчуну миңдеген күйөрмандар автобустун артынан чуркашып, кээ бирлери спортчуну көрүү үчүн мейманканага чейин барышкан. Ошондой эле, футболчуга салттуу перс килемин сыйга тартуулаган.
Бүгүн, 19-сентябрда «Аль-Наср» клубу Тегерандын «Персеполис» командасы менен тайпалык этаптын биринчи турундагы беттешин өткөрөт.
