Бишкекте ири өлчөмдө баңгизат таратууга шектүүлөр кармалды. Бул тууралуу Октябрь РИИБинин басма сөз кызматынан билдиришти.
Маалыматка ылайык, 16-сентябрда Бишкек шаарынын Октябрь РИИБине белгисиз адамдар баңгизатын сактап жүргөндүгү жана «Melvin Power» Телеграм каналы аркылуу аларды Октябрь районунун аймагына таратып жатканы тууралуу маалымат түшкөн.
Бул факты Октябрь РИИБинде Кылмыштардын жана жоруктардын бирдиктүү реестрине катталып, Кылмыш-жаза кодексинин 267-беренеси («баңги каражаттарын мыйзамсыз даярдоо») боюнча сотко чейинки өндүрүш иши башталган. Кылмышка шектүү катары 2002-жылы туулган Ж.А. жана 2003-жылкы К.З. аттуу жарандар кармалган.
Окуядан кийин, милиция кызматкерлери баңгизат каражаттары коюлган жерлерди аныкташып, бардык зарыл болгон экспертизаларды дайындашты.
