Орусиянын Кабардино-Балкария Республикасындагы Эльбрус тоосуна чыгуу учурунда беш альпинист каза болуп, жөө жүрүштүн 14 катышуучусу куткарылды. Бул тууралуу чет элдик маалымат каражаттары жазып чыгышты.
Маалыматка ылайык, 23-сентябрь күнү Эльбруска 5 миң 400 метр бийиктикке чыккан 19 альпинисттен турган топ, аба ырайынын начарлашына байланыштуу куткаруучулардан жардам сурап кайрылышкан.
Куткаруучулардын маалыматында, ал жердеги абанын температурасы -20 градус, ал эми шамалдын ылдамдыгы секундасына 70 метрге чейин жеткен. Куткарылгандардын ичинен сегизөөнүн бутунан оор жараат алгандыгы, айрымдары үшүккө кабылгандыгы маалым болгон.
Жалпысынан куткаруу иштерине 69 адам жана 16 техника тартылган.