27-октябрда кол койгон токтомго ылайык, Өзбекстанда ишкерлер мындан ары 1 миллион долларга чейин насыя ала алышат. Бул тууралуу жергиликтүү басылмалар жазып чыкты.
Маалыматка ылайык, Өзбекстандын президенти кол койгон токтомдо насыя улуттук валюта менен берилет.
Насыянын Борбордук банктын базалык ставкасынан (14%) ашкан бөлүгүнүн үстөк пайыз чыгымдары ишкерлерге кайра кайтарылат. Компенсацияны Ишкерликти колдоо фонду төлөп берет.
Белгилей кетсек, 1-ноябрдан баштап документте Өзбекстандын атынан ишкерликти колдоо долбоорлору үчүн эл аралык каржы институттарынан жана чет өлкөлүк өкмөттүк уюмдардан алынган насыялар долбоорго катышкан каржы уюмдары тарабынан 10 жылдан кем эмес мөөнөткө кайра каржыланары да жазылган.
