Израиль Газага ок атышпоо жана туткун алмашуу келишиминин алкагында 45 палестиналыктын сөөгүн өткөрүп берди. Бул тууралуу Анадолу агенттиги кабарлайт.
Маалыматка караганда, Газага 45 палестиналыктын сөөгү Эл аралык Кызыл Крест комитетинин топтору аркылуу келди.
14-октябрда Израилден 45 кишинин сөөгү келген. Муну менен Израилден кайтарылган сөөктөрдүн жалпы саны 90го жетти.
Эми палестиналыктардын сөөктөрүн аныктоо үчүн керектүү медициналык анализдер өткөрүлөрү белгилүү болду.
Эске салсак, 9-октябрда Египетте өткөн сүйлөшүүлөрдө Газа тилкеси боюнча ок атышпоо келишимине кол коюлган. Документ 10-октябрда күчүнө кирген.
