Аялынын көкүрөк тушуна бир нече жолу бычак сайып өлтүргөн шектүүгө 14 жыл эркинен ажыратуу чечими чыкты. Бул тууралуу жергиликтүү маалымат булактары жазып чыгышты.
Маалыматка ылайык, ал окуядан бир жыл мурун бутунан жаракат алып, майып болуп калгандыгын айткан. Мындан улам, үйдө тез-тез чыр-чатак чыгып турган. Жумуш таппай үйүнө келген кезде жегенге тамак жок болгондуктан аялына ачуусу келген.
«Эч нерсе таппай үйгө келдим, аялым кечки тамакты даярдабай коюптур. Тамак бышырып баштасам, аялым мени кемсинте баштады» — деп көрсөтмө берген.
Ал учурда күнөөсүн толугу менен мойнуна алып, Жалал-Абад облусунун Ноокен райондук соту тарабынан 14 жыл эркинен ажыратылды.