12 миң сом өлчөмүндө акча каражатын алып жаткан жеринен Араван райондук милициясынын участкалык инспектору, милициянын лейтенанты кармалды.
УКМКдан билдиргендей, ал Араван районундагы азык-түлүк дүкөндөрүнүн биринен 26 миң сомдук азык-түлүк уурдалды деген факты менен арыздануучусу жок ишти токтотуу үчүн 31 миң сом талап кылган.
Буга чейин, 21-сентябрда участкалык инспектор Ж.у.К. шектүүнү досу менен бирге кеңсесине чакырып, кылмыш жоопкерчилигине тартам деп коркутуу менен физикалык күч колдонуп 19 миң сом алганы аныкталды.
Ал УКМКнын тергөө абагынын убактылуу кармоочу жайына киргизилди.
