Социалдык тармактарда кароосуз калган жаш баланын видеосу тарады.
Маалыматка ылайык, бала Талас облусуна караштуу Чыңгыз Айтматов районундагы Шекер айылында. Ал 2-класстагы окуучу.
«Атасы кордоп, мал жайгызып, тоого алып келип таштап койгон. Катып калган, көгөрүп кеткен нан жеп жүрөт. Дыйкандар келип, азык-түлүк таштап кетишет. Үстүндө кийими дагы жок, түнү коркуп чатырдын үстүнө чыгып жатат. Ата-энеси тарабынан толук кандуу камсыздандырылбай, кордолуп жатат»,-деген видеонун автору.
Эске салсак, жашы жете элек балдарды мажбурлап жумушка тартуу (КРнын балдар жөнүндө кодексинин 15-беренесинде көргөзүлгөндөй) тыюу салынат.
ИИМге байланышканыбызда, бул окуя Талас облустук милициясы тарабынан такталып жаткандыгын билдирди.
Кошумча маалымат берилет.
