УКМК аялын өлтүргөн мурдагы милиция кызматкери боюнча жүргүзүлүп жаткан тергөө ишинин жыйынтыгында, айыпталуучуга гана эмес, бул мыкаачылыктын жасалышына шарт түзгөн же кайдыгер мамиле кылган башка жактарга да акыркы юридикалык баа берилерин билдирди.
Атайын кызматтын маалыматына караганда, тергөө учурунда жаңы жагдайлар белгилүү болду. Алсак, өлтүрүлгөн аялдын убактылуу коргоо ордери болгону, ошондой эле айыпталуучу киши өлтүрүүдө колдонгон травматикалык куралды мыйзамсыз алып жүргөнү жана сактаганы аныкталды.
«Күнөөлүүлөр мыйзам чегинде катуу жазага тартылат, ал эми коомчулукка тергөөнүн жыйынтыгы боюнча коомчулукка маалымат берилет», — деп айтылат маалыматта.
УКМК жүргүзүлүп жаткан тергөөнүн жыйынтыгы боюнча айыпталуучуга, ошондой эле аракеттери же аракетсиздиги бул мыкаачылык менен киши өлтүрүүнү жасоого себеп болушу жана шарт түзүшү мүмкүн болгон башка адамдарга да акыркы юридикалык баа берилерин белгилеп коюуну зарыл деп эсептейт.
Эске салсак, бул ишти тергөө менен УКМК алектенет.
