Чолпон-Ата шаарында көк бөрү боюнча клубдар арасындагы Дүйнө кубогунда “Достук” кубогу үчүн бүгүн, 20-августта финалда Кыргызстандын «Ынтымак» жана Казакстандын «Астана» командалары оюнга чыкты. Биринчи таймда «Ынтымак» командасынын оюнчулары 3 салым таштап эсеп 3:0 болду.
Экинчи таймды «Ынтымак» командасы кайрадан курч чабуулдар менен баштады. 2-бөлүктө «Ынтымак» командасынын оюнчулары 4 салым, Казакстандын «Астана» командасы 1 салым салууга жетишти. Ошентип 2-тайм 7:1 эсебинде жыйынтыкталды.
Үчүнчү таймда «Ынтымак» командасынын оюнчулары дагы 3 салым салууга жетишти. Ошентип финалдык беттеш 10:1 эсебинде «Ынтымак» командасынын жеңиши менен аяктады.
Ушуну менен бир аптага созулган көк бөрү боюнча дүйнө чемпионаты жыйынтыкталды. Эскерте кетсек, көк бөрү боюнча клубдар арасындагы Дүйнө кубогу быйыл биринчи жолу Кыргызс республикасынын көк бөрү федерациясы тарабынан өткөрүлүп жатат. Мелдешти 2 жыл сайын өткөрүп туруу пландалууда.
