Камчыбек Ташиев Баткен облусунда жумушчу сапары менен барды. Иш сапардын алкагында ал Лейлек районундагы Максат айылынын тургундары менен жолукту.
Ошондой эле УКМКнын төрагасы бир катар аскердик объектилерди пайдаланууга берип, чек арадагы жашоочулардын абалы менен таанышып, жеринде тапшырмаларды берди.
Белгилей кетсек, кечээ, 11-декабрда, Раззаков айылынын жашоочулары менен жолугушууга барганда, жергиликтүү бийлик өкүлдөрү тарабынан жашоочулардын көпчүлүгү жолугушууга киргизилбей, сыртта калганын Камчыбек Ташиев байкаган жана дароо бул көрүнүшкө олуттуу реакция жасады.
