Баткен облусуна караштуу Кадамжай районунда эки жашар кызын сабаган аял бир айлык мөөнөткө камакка алынды. Аталган чечимди кечээ, 1-февралда райондук сот чыгарган.
Маалыматка ылайык, наристесин сабаган аял 2023-жылдын 1-мартына чейин СИЗО-53тө болот.
Эскерте кетсек, социалдык тармактарда кичинекей кызды уруп жаткан видео тараган. Ал эми, 27-январда милицияга Кадамжай районунун тургуну арыз менен кайрылып, анда жарандык никедеги аялы кызына зомбулук көргөзгөндүгүн билдирип, мыйзам чегинде чара көрүүнү суранган.
Аталган маалымат маалыматтардын электрондук журналына катталып, тергөөгө чейинки текшерүү иштери башталган.
