Астанада кайрымдуулукка чогулган акчаны өз кызыкчылыктарына сарптаган жубайлар 7 жылга камалды. Бул тууралуу жергиликтүү маалымат булактары жазышууда.
Маалыматка ылайык, Толкын Тотаканова жана анын жолдошу Даулет Тотаканов баласынын ооруп жатканы тууралуу жалган маалыматтарды жана эмоцияга басым жасаган кайрылууларды колдонуп, аны дарылоого деп кайрымдуулук каражаттарын чогултушкан.
Аларга 10 жыл бою кайрымдуулук үчүн акча чогултуу менен алектенүүгө тыюу салынды. Ошондой эле алар 7 жылга эркинен ажыратылды. Ал эми жашы жете элек баласы бар болгондуктан, жазаны аткаруу 2 жылга жылдырылды.
2020-жылдан 2024-жылга чейин жубайлар 1 миллиард теңгеден ашык каражат топтошкон.
