Бүгүн түнү Камчаткада күчү 7,8 баллга жеткен катуу жер титирөө катталды. Жер титирөө Петропавловск-Камчаткадан 128 чакырым алыстыкта болгонун АКШнын геологиялык кызматы аныктаган. Жер титирөөнүн очогу 10 чакырым тереңдикте орун алды. Америкалык метеорологдор цунами коркунучу болорун эскертишти.
Камчатка өрөөнүнүн губернатору Владимир Солодов бардык кызматтар күчөтүлгөн режимге өткөнүн жарыялап, жер титирөөнүн күчү 7,2 баллга жеткенин тактады.
«Жарым аралдын чыгыш жээгине цунами коркунучу тууралуу эскертүү берилди. Куткаруучулар социалдык мекемелерди жана турак жайларды ыкчам иликтөөгө киришти”, — дейт ал.
Эскерте кетсек, буга чейин 3 ай мкрун Камчаткага жакын жерде күчү болжол менен 8,7 баллга жеткен жер титирөө катталган. Жер титирөөнүн очогу 32 чакырым тереңдикте болгон. Бул 1952-жылдан берки аймактагы эң күчтүү жер титирөө. Суу цунамиге чейин жээктен тартылып калган.
