9-июлда Борбор Азиянын футбол ассоциациянын (БАФА) 20 жашка чейинки жаштар курама командалары чемпионаты алкагында өткөн Кыргызстан жана Тажикстан курамалардын беттешине Кыргыз футбол биримдигинин президенти Камчыбек Ташиев күбө болуп, анын жүрүшүндө БАФА башкы катчысы Улугбек Каримов менен жолукту.
КФБ жетекчиси БАФА башкы катчысын жылуу тосуп алып, бул турнирди өткөрүүгө ассоциациянын мүмкүнчүлүк түзгөнүнө ыраазычылык билдирип, ал өз кезегинде турнир мыкты уюштуруучулук деңгээлде орун алып жаткандыгын белгиледи.
Жолугушуунун аягында футбол ассоциацияларынын жетекчилери уюмдардын вымпелдери менен алмашты.
