УКМКнын башчысы Камчыбек Ташиев Кемпир-Абадга барып, эл менен жолугушту.
Анын айтымында, Садыр Жапаров менен Камчыбек Ташиев жерлерди сатып жимбериптир деген маалымат чындыкка дал келбейт.
«23-25-март күндөрү Ташкентте кыргыз-өзбек мамлекеттик чек арасын делимитациялоо жана демаркациялоо боюнча өкмөттүк делегацияны мен жетектеп барып, тийиштүү протоколго кол коюлган. Мени менен кошо облус башчылары, орун басарлары, ар бир райондун мамлекеттик каттоонун жетекчилери барган. Себеби алар кайсы районо кандай көйгөй бар жакшы билишет. Сүйлөшүү 3 күн болду. Мамлекеттер аралык чек араны тактоо көптөгөн оор сүйлөшүүлөр менен коштолду. Жерлерди Жапаров менен Ташиев сатып жибериптир деп таратып жатышат. Мына айтып берейин. Мен дагы силердин араңарда туулуп өскөн жигитмин. Биз бир чарчы жерди дагы саткан эмеспиз. Колумда телефон бар деп эле ар нерсени интернетке чыгарган болбойт. Бул жакшылыктын жышааны эмес. Эгер кабыл алган чечимдерибиз мамалеккетке, депутаттарга, өкмөткө жакпай турган болсо алар ошол бойдон калат. Бирок биздин эң башкы аракетибиз эки элдин масеселин чечүү. Бул жерлер бир гана Ынтымак, Кара-Суу айылыныкы эмес, бул бүтүндөй мамлелкеттин жери, маселеси», — дейт ал.
