Муфтий Абдулазиз Закиров Кара-Суудагы реконструкция болгон «Азатбек ажы» мечитинин ачылышына катышты. Бул тууралуу Муфтияттан билдирди.
Күн мурун муфтий Абдулазиз кары Закиров Ош облусуна жасаган иш сапарынын алкагында Кара-Суу районуна караштуу Жаңы-Арык айылындагы реконструкциялоодон өткөн «Азатбек ажы» мечитинин ачылыш аземине катышып, келген конокторду жана жергиликтүү тургундарды Курман айт майрамы менен куттуктап, жума баянында курмандык чалуу темасында баяндама жасады.
Саамалыкка УКМК төрагасы Камчыбек Ташиев, Азирети муфтий Абдулазиз кары Закиров, Ош облусунун мусулмандарынын казысы Абибилла ажы Кадырбердиев, дин кызматкерлери жана жергиликтүү тургундар катышты.
Иш-чаранын соңунда «Анаркан ажы эне» ислам окуу борборунун курулушуна капсула салуу жөрөлгөсү аткарылып, мамлекет, эл үчүн бата кылынды.
