Өзгөчө кырдаалдар министрлигинин кызматкерлери Ош облусунун Кара-Кулжа районундагы Ылай-Талаа айыл аймагынын Шаркыратма айылында бүгүн, 14-январда жер көчкү түшкөндүгү тууралуу маалыматты тактоо үчүн жөнөп кетишти. Бул тууралуу ӨКМнин басма сөз кызматы билдирет.
“Жерине ӨКМдин Ош облусу боюнча башкармалыгынын башчысынын орун басары, Кара-Кулжа райондук Өзгөчө кырдаалдар бөлүмүнүн башчысы, Өзгөчө кырдаалдарга мониторинг жүргүзүү жана божомолдоо департаментинин 3 кызматкери, 1 офицер, ошондой эле айыл аймактан 1 кызматкер тартылган. Көлөмү, кооптуулугу жана башка маалыматтарды тактоо иштери жүрүүдө.
Кошумча маалымат берилет”, — деп жазылат маалыматта.
