Кара-Кулжа районунун Кызыл-Жар айыл аймагына караштуу Кооч-Чаты айылында заманбап 225 орундуу «Сагындык» орто мектебинин жаңы имаратынын ачылышы болуп өттү. Бул тууралуу райондук администрациядан билдиришти.
Мектептин ачылуу аземине Кыргыз Республикасынын Жогорку Кеңешинин депутаты Э. Токтошев, райондук мамлекеттик администрация башчысы-аким Д.С.Кулубаев жана тиешелүү мекеме-уюмдардын жетекчилери катышышты.
Райондун башчысы-аким Д. С. Кулубаев: жергиликтүү тургундарды, билим берүү кызматкерлерин жана мектеп окуучуларын жаңы мектептин ачылышы менен куттуктап, ар бир жаң ачылган билим уясы — мамлекет тарабынан билимге, келечекке жана өлкөбүздүн өнүгүүсүнө карай салынган улуу жол экендигин белгиледи.
