Бүгүн Кара-Суу районундагы 6 мектепке компьютер, телевизор жана мектеп эмеректерине сертификаттарды тапшырылды.
Тапшыруу аземи бүгүн, 15-октябрь Кара-Суу районунда мугалимдердин кесиптик майрамына арналган салтанаттуу иш-чаранын алкагында болду. Иш-чарага агартуу министри Догдуркүл Кендирбаева катышып, төмөнкү мектептерге заманбап окуу куралдарын тапшырды:
- М. Тешебаев атындагы №9 мектепке – 8 даана компьютер;
- К. Зулпиев атындагы №55 мектепке – 5 даана компьютер;
- С. Аристанбеков атындагы №47 мектепке – 5 даана компьютер;
- Курманжан Датка атындагы №86 мектепке – 3 класс комплект эмерек жана 2 телевизор;
- А. Эшматов атындагы №82 мектепке – 3 класс комплект эмерек;
- А. Шеркулов атындагы №74 мектеп – 2 класс комплект эмерек.
Ошондой эле министр “Наристе-Нуру”, “Маданият-Бүчүр”, “Мөлтүр-Тамчы”, “Бумайрам эне” жана “Ак-Чөлмөк” бала бакчаларына телевизорго сертификат берди.
Мындан тышкары, көп жылдык үзүрлүү эмгеги үчүн бир катар мугалимге “Билим берүүнүн мыктысы” төш белгиси жана Ардак грамотасы менен сыйлады.
Иш-чарага президенттин Ош облусундагы өкүлү Элчибек Жантаев, Кара-Суу районунун акими Канат Табалдиев, мугалимдер, мектеп директорлору жана бала бакчалардын жетекчилери катышты.
