Кыргызстандагы “Каракол” лыжа базасы Борбор Азиянын ири эс алуучу жайлардын бири болуп саналат.

Forbes журналы “Каракол” базасын КМШ өлкөлөрүндөгү алдыңкы 10 базаларынын бири деп аныктаган.

“Каракол” лыжа базасы шаардан 7 чакырым алыстыкта жана деңиз деңгээлинен 2300 метр бийиктикте жайгашкан.

Совет доорунда Олимпиадага тандалган чеберлер ушул лыжа базасында машыгып турчу.

2004-жылы “Каракол” лыжа базасы толук оңдолуп, төрт көтөргүч механизми орнотулган.

Азыр лыжа жана сноуборд тебүүдөн тышкары чана жана парашют менен да учса болот.

Лыжа тебүү сезону ноябрь айында башталып, апрель айына чейин созулат.

Абанын температурасы -5 градуска түшсө, кардын калыңдыгы 1.5 метрден, 2.5 метрге чейин жаайт.

Лыжа тебүү трассасы 800 метрден 4.5 чакырымга чейин узун. Базанын эң бийик орду 3040 метрге чейин жетет.

Каракол лыжа базасынын аймагында мейманканалар, ресторан, кафе, форма сатуучу ж.б жайлар бар.

Эгерде сиз лыжа тебүүнү билбесеңиз, лыжа жана сноуборд боюнча инструкторлор сизге лыжа тебүүнүн ыкмаларын үйрөтүшөт. Каракол лыжа базасында жогорку квалификациялуу инструкторлордун курамы бар.

Каникул убагында үй бүлөңүз же досторуңуз менен эс алып келүүгө сонун жай. Өзүңүзгө убакыт бөлүп, барып келиңиз окурманым.