Каракол жаратылыш паркында заманбап санариптик кирүү системасы ишке кирди. Бул жаңылануу эс алуучулар үчүн кызмат көрсөтүүнүн сапатын жогорулатып, убакытты үнөмдөөгө жана кирүү процессин автоматташтырууга шарт түзөт.
Эми паркка келген жарандар электрондук билет аркылуу тез жана ыңгайлуу өтө алышат. Санариптик башкаруу системасы эс алуучулардын агымын көзөмөлдөөгө, маалыматты так жана коопсуз түрдө сактоого мүмкүнчүлүк берет.
Бул долбоордун максаты — жаратылыш туризмин заман талабына ылайык өнүктүрүү, тейлөөнүн сапатын жогорулатуу жана экологиялык туруктуулукту камсыз кылуу.
Каракол жаратылыш паркы Кыргызстандагы эң ири экотуристтик аймактардын бири болуп саналат.
