Казакстанда жыл башынан бери кызамык менен ооругандардын саны 17 миңден ашты. Алардын 6 миңи соңку бир айда катталганын Казакстандын саламаттык сактоо министрлиги билдирди.
Маалыматка ылайык, баарынан көп ооругандар Алматы жана Чымкент калааларында катталууда. Ооругандардын 82% балдар. Алардын көбү кызамыкка каршы эмделген эмес.
Учурда 2400дөй бала ооруканада, алардын 30унун абалы оор.
Кызамык Кыргызстанда дагы өсүп жатат. Республикалык иммуннопрофилактика борборунун маалыматына ылайык, жыл башынан бери кызамык оорусун жуктургандардын саны 4 484 адамга жетти. Быйыл кызамыкка каршы эмдөө албаган үч бала чарчап калган.
