Күз айларында Казакстанда жасалма интеллект технологияларын колдонуу менен тартылган тасмаларга арналган Astana AI Film Festival- 2026 эл аралык фестивалы өтөт, деп билдирет Kazinform агенттиги.
Маалыматка ылайык, фестивалга автор, санариптик жаратуучу, технологиялык компаниялардын өкүлдөрү, эксперт жана инвесторлор катышат.
Иш-чарада эл аралык кыска метраждуу тасмалар сынагы болот. Ага бардык кинорежиссерлор катыша алат.
Фестивалда ошондой эле конференция, авторлор жана продюсерлер үчүн презентация сессиялары, ошондой эле эл аралык эксперттер менен талкуулар болот.
Мындан ары иш-чара тажрыйба алмашуу жана санариптик контент индустриясындагы жаңы тенденцияларды өнүктүрүү үчүн платформага айланат деп күтүлүүдө.
