Казакстандын эл аралык “President” гезити Кыргызстан жана президент Садыр Жапаров тууралуу макала жарыялады.
Анда өлкөнүн акыркы өзгөрүүлөрүнө токтолуп, айрыкча кыргыз-казак мамилесин бекемдөө, жаңы инфраструктуралык долбоорлордун башталышы, тышкы саясаттагы тең салмактуулук, аймактык кызматташтык жана социалдык өнүгүү багытындагы иштерди белгиленген.
Садыр Жапаровдун жетекчилиги астындагы экономикалык өсүш, мектептер менен ооруканалардын курулушунун көбөйүшү, пенсия жана айлык акылардын жогорулашы, Кытай-Кыргызстан-Өзбекстан темир жолунун курулушу, куралдуу күчтөрдү бекемделиши, «Кумтөр» алтын кенинин улутташтырылышы жана башка маселелер камтылган.
Ошондой эле, ишкерлерди коргоо жана көмүскө экономика менен күрөшүү боюнча иштер баса белгиленген.
Садыр Жапаровдун лидерлик стили жана анын эл аралык аренадагы орду тууралуу кеңири баяндалган бул гезит 10 000ден ашык тираж менен чыгып, мамлекеттик мекемелерге, мейманканаларга, аэропортторго жана башка коомдук жайларга бекер таратылат.
