Кыргызстандан Казакстанга тамеки буюмдарын мыйзамсыз алып чыгуу каналы токтотулду. Бул тууралуу УКМКдан билдиришти.
Маалыматка ылайык, “Ак-Жол-унаа жол” өткөрмө пунктунда Кыргызстандын К.А.К. аттуу жараны «Mercedes-Benz Sprinter 416» үлгүсүндөгү автоунаасы менен 2078 блок тамеки буюмдарын акциздик маркасы жана эч кандай товардык документтери жок Казакстанга мыйзамсыз алып өтүүгө аракет кылып жаткан жеринен кармалган.
Аталган унааны тинтүүдө 35 куту (ар биринде 50 блоктон) жана 328 блок тамеки буюмдары табылган.
Алдын ала эсептөөлөр боюнча жогоруда аталган тамеки буюмдарына акциз салыгын төлөөдөн качуудан мамлекеттик бюджеттин чыгымы 1 миллион сомдон ашык сумманы түздү.
Учурда тиешелүү ыкчам-тергөө иш-чаралары жүргүзүлүүдө.
