Кажи-Сайдын 73 жана 56 жаштагы эки тургуну балык уулоого кеткен бойдон дайынсыз. Бул тууралуу ӨКМнин басма сөз кызматы билдирди.
Маалыматка ылайык, 16-декабрь күнү, саат 14:30 чамасында Тоң районунун Кажи-Сай айылынын тургундары М.Ю.М 1948 ж.т жана А.А.А 1965 ж.т балык кармоого чыгып дайынсыз жок деген маалымат келип түшкөн.
«Жерине Тоң райондук ӨКБнөн 7 куткаруучу, РИИМден 3 кызматкер, жергиликтүү тургундардан 2 киши тартылган. 18:00 гө чийин издөө иштерин уланып, жыйнтыкта болгон эмес.
Бүгүн жерин издөө иштерин улантуу максатында Тоң райондук №37 ӨКБдан 1 офицер, 7 суучул жана 1 фельдшер тартылды», — деп берилет маалыматта.
