Ош шаарынын Кең-Сай конушун электр энергиясы менен камсыз кылуу максатында соңку айларда ири иштер аткарылды. Бул тууралуу Ош шаардык мэриясынын басма сөз кызматы билдирди.
Маалыматка ылайык, 150 даана электр мамычасы орнотулуп, СИП тибиндеги электр кабелдери тартылган. Ошондой эле 4 даана жаңы трансформатор коюлуп, 3 даана эски трансформатор алмаштырылды.
Бүгүн Ош шаарынын мэри Жеңишбек Токторбаев аткарылган иштер менен жеринен таанышып, айрым үйлөргө кирип, электр энергиясынын берилишин текшерип көрдү.
