Чүй облустук капиталдык курулуш башкармалыгы Кемин районунун Кара-Булак айылына 140 орундуу бала бакчанын курулушуна тендер жарыялады. Бул тууралуу мамлекеттик сатып алуулар порталында маалымдалды.
Маалыматка ылайык, курулуш иштерине 109,8 миллион сом бөлүнөт.
Тендер боюнча сунуштар 20-октябрга чейин кабыл алынат.
Кыргызстанда мектепке чейинки билим берүү мекемелери 44,3 пайызга көбөйүп, 257 миңден ашуун бала бала бакчага барды. Жакынкы жылдарда бул көрсөткүчтү 60 пайызга жеткирүү максаты коюлган.
