Бүгүн ӨКМде көптөгөн жылдар бою эмгектенип келишкен эки кызматкер ардактуу эс алууга чыгышты. Бул тууралуу ӨКМнин басма сөз кызматы билдирди.
Маалыматка ылайык, алар Борбордук аппараттын Ички аудит секторунун башчысы Абдыкерим Раманкулов жана Өндүрүштүк -техникалык башкармалыгынын башчысы Халил Маллаевдер.
Министр Бообек Ажикеев бул эки кызматчынын эл үчүн аткарган иштерине жогору баа берип, ыраазычылыгын билдирди. Эскерте кетсек, бул кызматкерлер ӨКМде 16 жылдан бери иштешип, башкармалыктын башчысы орундарында кызмат өтөшкөн.
