Нарын облусуна караштуу Кочкор районунда жаңы спорт комплекси курулууда. Бул тууралуу Курулуш министрлиги билдирет.
«Бүгүнкү күндө жер казуу иштери аткарылып жатат. Спорт комплекстин жалпы аянты—1 433,38 м². Объект Президенттик фонддон каржыланууда», — делет маалыматта.
Ал эми Курулуш иштери Курулуш министрлигине караштуу “Кыргызкурулуш” мамлекеттик ишканасы тарабынан жүргүзүлүп жатат.
Белгилей кетсек, келечекте бул комплекс спорттук иш-чараларды өткөрүүгө, машыгууларга жана активдүү эс алууга ылайыкталган заманбап борборго айланып, Кочкор районунун спорттук инфратүзүмүнүн өнүгүшүнө чоң салым кошот.
