Кочкордо заманбап автовокзалдын курулушу улантылууда.
Курулуш, архитектура жана турак жай-коммуналдык чарба мамлекеттик агенттигинен билдиришкендей, долбоор өлкө бюджетинин эсебинен каржыланып, тендердик баасы 394 млн сомду түзөт.
Жаңы автовокзал эки кабаттуу болуп, жалпы аянты 14 469 чарчы метрди түзөт. Курулуш иштери заманбап стандарттарга жана талаптарга ылайык жарандардын ыңгайлуулугун жана коопсуздугун камсыздоо максатында жүргүзүлөт.
Долбоор аймактардагы инфраструктураны жакшыртууга багытталган.
