«UFC» уюмунун эки салмактагы экс-чемпиону Конор Макгрегор Бруклинде өткөн «MTV Video Musiс Awards» иш-чарасында «Machine gun Kelly» деген ысым менен таанымал америкалык рэпер Колсон Байкер менен чырдаша кеткен. Бул тууралуу маалыматты «TMZ» порталы жазып чыкты.
Маалыматка ылайык, Макгрегор ырчы Machine Gune Kelly менен чогу сүрөткө түшүүнү өтүнгөн. Рэпер баш тарткандан кийин мушкер ага стаканды ыргыткан. Чыр күч алып, Макгрегор ырчыны көздөй атырылганда жан сакчылар токтотуп калган.
Окуя 13-сентябрга караган түнү Бруклиндеги Barclays Center аренасында болгон.Макгрегор үч жыл мурда да ошол эле жердин унаа коюлуучу жайында UFC мушкерлери келе жаткан автобуска кол салып чыр чыгарган.
Конор кийинчерээк журналисттерге MGK ким экенин тааныбай турганын, эмне болуп кеткенин түшүнбөй да калганын айткан.
