Коомчулукту дүрбөлөңгө салган видео жасалма интеллект менен жасалганы айтылууда. Бул тууралуу Атай Бейшенбек өзүнүн социалдык баракчасына жазды.
Анын айтымында, сүрөттөр интернеттен алынып, жасалма интеллект менен рюкзактар коюлган. Мисалы кече күнү 2ГИС платформасынын сүрөттөрүн алып эле рюкзак кошуп, телеграмм каналында жасалма интеллект аркылуу элди чаташтыра берген.
“Достор, кечээки окуя бир шек жараткан маалымат таратуунун алдында аны тыкыр текшерүү, расмий маалыматтар менен салыштыруу, сөссүз тактоо керек экендигин көрсөттү. Азыркы доордо ар ким жасалма интеллект же жөн эле ар кандай онлайн платформа аркылуу сүрөттү өзгөртүп, элди адаштырып паникага салып кое алат. Ошондуктан кандайдыр бир күмөндүү маалыматты көргөндө, текшербей туруп таратуудан алыс бололу. Адегенде кайдан чыкканын, тараткан булак ишенимдүүбү карагыла, сүрөттү Google же Яндекс аркылуу издегиле, анан ишенсе болот. Албетте сак бололу, маалыматка так бололу! Бар болуңуздар!”, — деп жазган ал.
