2023-жылдын 5 айында «Коопсуз шаар» долбоорунан республикалык бюджетке 243,8 млн сом түштү. Бул тууралуу Финансы министрлигинен билдиришти.
«КРнын 2023-жылга республикалык бюджети жана 2023-2024-жылдарга пландаштыруу мезгили жөнүндө» мыйзамындагы «Акылдуу шаар» долбоорунун «Коопсуз шаар» компонентинин экинчи этабын ишке ашырууну эске алуу менен 900 млн сом өлчөмүндө финансылык каражат каралган.
Каралган каражаттардын ичинен Санариптик өнүктүрүү министрлигине министрлер кабинетинин токтомуна ылайык, подрядчы «Вега Оперейтинг Компани» ЖЧКсы менен түзүлгөн келишимдерге жана 2022-жылдын октябрь, ноябрь, декабрь айлары жана 2023-жылдын январь айлары үчүн берилген салыштыруу актысына ылайык эсептешүүлөрдү жүргүзүү үчүн 45,6 млн сом өлчөмүндө каражат бөлүндү.
