Кечээ, 28-сентярбрда Курулуш, архитектура жана турак жай-коммуналдык чарба министри Нурдан Орунтаев пландан сырткары Бишкек шаарындагы курулуш объектилерин кыдырды. Бул тууралуу министрликтин басма сөз кызматы билдирди.
Пландан сырткары кыдыруу учурунда Москва көчөсү 120 дарегиндеги көп кабаттуу үйдүн курулушунда техникалык коопсуздук эрежелери сакталбагандыгы жана курулуштун мыйзамдарына ылайык объектинин паспорту сыртка илинбегендиги аныкталды.
Натыйжада, курулуш иштерин жүргүзүп жаткан “Even KZ” курулуш компаниясына айып салынып, курулуш иштери убактылуу токтотулду.
Адамдын өмүрү үчүн курулуш объектисинде техникалык коопсуздук эрежелери толук сакталууга тийиш экенин Курулуш министрлиги эскертет.
