7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Апрель 2024
Пн Вт Ср Чт Пт Сб Вс
1234567
891011121314
15161718192021
22232425262728
2930  
  • social_icon
  • social_icon
  • social_icon
  • social_icon

Коопсуздук кеңеши Улуттук коопсуздук концепциясын жактырды

489

Президент Садыр Жапаровдун төрагалыгы алдындагы Коопсуздук Кеңешинин жыйынында Улуттук коопсуздук концепциясы жактырылды.

Маалыматка ылайык, жыйын жүрүшүндө Коопсуздук кеңешинин катчысы Марат Иманкулов Улуттук коопсуздук концепциясынын долбоору менен тааныштырды.

Мамлекет башчысы өз сөзүндө буга чейинки Улуттук коопсуздук концепциясы 2012-жылы кабыл алынганын белгиледи. 

«Бирок, улуттук коопсуздуктун чакырыктары жана коркунучтары статистикалык болуп саналбайт, алар трансформацияланат жана эволюцияланат.

Ишмердүүлүктүн бардык чөйрөлөрүндө инновациялык технологиялардын тездик менен өнүгүүсү, агрессиянын өсүшү, туруктуу негиздеги конфессия аралык жана башка терс факторлор улуттук коопсуздук үчүн жаңы чакырыктарды жана коркунучтарды жаратат.

Ушуга байланыштуу, Концепция жана анын негизинде иштелип чыккан программалар жана доктриналар статистикалык документ, өзгөртүүгө болбой турган догма болуп калбашы керек.

Мындай мамиле кылууда, Концепцияны ишке ашыруу коомду сактоого, адамзат потенциалын өнүктүрүүгө, жарандардын жашоо сапатын жана жыргалчылыгын жогорулатууга, коргонуу жөндөмдүүлүгүн бекемдөөгө, коомдун биримдигине жана ынтымагына, өнүгүүнүн улуттук максаттарына жетишүүгө, атаандаштыкка жөндөмдүүлүктү жана эл аралык абройду жогорулатууга максималдуу түрдө өбөлгө түзөт.

Ар бир министрлик, комитет жана ведомство концепцияны ишке ашыруу боюнча тиешелүү тармактык, региондук жана ички ведомстволук программаларды жана пландарды эки айлык мөөнөттө иштеп чыгууга жана бекитүүгө тийиш.

Мамлекеттик органдардын бардык жетекчилери бул процессти өзунөрдүн жеке контролунарга алгыла.

Биринчи кезекте бул, Коргоо министрлигине тиешелүү, алар кыска мөөнөттө Аскер доктринасынын жаңы долбоорун кыска мөөнөттөрдө иштеп чыгып, бекитүүгө киргизиши керек.

Улуттук коопсуздукту камсыз кылуунун алкагында улуттук коопсуздук чөйрөсүндө мыйзамдар туруктуу негизде өркүндөтүүгө тийиш.

Ал кыска мөөнөттүү жана орто мөөнөттүү мезгилдерге гана эмес, узак мөөнөттүү болушу керек.

Биз мезгилге шайкеш иш кылууга, бул тармакта мыкты эл аралык тажрыйбаны иликтөөгө, жана талдоого милдеттүүбүз.

Өлкөнүн коргонуу жөндөмдүүлүгүн чыңдоо, күчтөндүрүү жана улуттук кызыкчылыктарды сактоону камсыз кылуу үчүн биз мыкты методикаларды жана механизмдерди биздин күнүмдүк ишибизге колдонууга киргизишибиз керек. Бул иште бизге жаңы Улуттук коопсуздук концепциясын ишке ашыруу олуттуу жардам көрсөтөт.

Сиздер өзүңүздөр байкагандай, Концепциянын долбоору өлкөнүн улуттук коопсуздугун камсыз кылуунун деңгээлин жогорулатууга багытталган практикалык иш-чаралардын жетишерлик көп санын камтыйт.

Бардык ушул иш-чаралар максималдуу тез жана натыйжалуу ишке ашырылышы керек», — деди Садыр Жапаров.

Коопсуздук кеңешинин мүчөлөрү Улуттук коопсуздук концепциясын бир добуштан жактырышты.

 

Добавить комментарий

Ваш адрес email не будет опубликован. Обязательные поля помечены *

490