Эл аралык «Манас» аэропорту эпидемиологиялык кырдаалга байланыштуу бир катар эл аралык каттамдарын токтотот. Анда:
- Бишкек – Воронеж – Бишкек каттамы 3-апрелден 25-апрелге чейин;
- Бишкек – Грозный – Бишкек каттамы 30-марттан 6-апрелге чейин;
- Бишкек – Иркутск – Бишкек каттамы 1-апрелден 29-апрелге чейин;
- Бишкек – Новосибирск – Бишкек каттамы 31-марттан 2-апрелген чейин учпайт.
5-апрелдеги Бишкек – Казань – Бишкек, 2-майдагы Бишкек – Краснодар – Бишкек, 30-апрелдеги Бишкек – Красноярск – Бишкек, 3-апрелдеги Бишкек – Сургут – Бишкек каттамдары токтотулду. Бул аба каттамдарын «Авиа Траффик» компаниясы жүргүзөт.
«China Southern Airlines» компаниясы Үрүмчү-Бишкек-Үрүмчү каттамын белгисиз мөөнөткө токтотту. Ал эми «Air Astana» компаниясы Алматы – Бишкек – Алматы каттамдарында айрым күндөргө чектөө киргизди.
Буга чейин аэропорт каттамдардын көбөйгөнүн жарыялаган.
Белгилей кетсек, коронавируска байланыштуу эпидемиологиялык кырдаал Кыргызстанда, Казакстанда курчуй баштады. Ал эми Алматыда коомдук жайларга барууга чектөөлөр күчөтүлдү.
