Беларусь жарандары Максим Полянский 43, Николай Свиридов 60 жашта. Экөө тең мурдагы СССР аймагындагы бийиктиги жети миң метрден ашкан беш чокуну багындырып, «Ак илбирс» наамын алган тажрыйбалуу альпинисттер. Үчүнчү альпинист 37 жаштагы Литванын жараны Сергей Рубцов.
Алар 1-августта 6613 метр бийиктиктеги Корумду чокусуна жетип, 2-августта акыркы жолу байланышка чыккан. Алар 4-августта күтүп турган унаага кайтып келиши керек болчу. Издөө иштерине жардам берүү үчүн каражат чогултуу да башталды.
Учурда ӨКМ аларды дрон менен издеп жатат. Тоодогу кар, начар көрүнүш жана татаал рельеф издөө иштерин кыйындатууда.
Булак: Номад ТВ
