ЭТУ бандиттик тобунун ишмердүүлүгүнө бөгөт коюлду. Бул тууралуу УКМКнын басма сөз кызматы билдирди.
2021-жылдын 5-мартында УКМК тарабынан адам өлтүрүүгө даярдануу фактысы боюнча сотко чейинки өндүрүштүн алкагында, террористтик иш-аракеттерге катышкан Кыргыз Республикасынын жана чет мамлекеттин жарандарынын бандиттик тобунун ишине бөгөт коюлду.
Такталгандай, Сирия аймагындагы Эл аралык террористтик уюмдардын башчысынын координациялаган топтун иш-аракеттерин нейтралдаштырууда, алардын максаты коомдук-саясий кырдаалды туруксуздаштыруу, андан кийин Кыргыз Республикасынын аймагында куралдуу жихадды жайгаштыруу болгон. Бандиттик топтун айрым мүчөлөрү ЭТУ лагерлеринде атайын күжүрмөн даярдыктан өтүшкөн. Жаранды диний негизде өлтүрүү үчүн колго жасалган жарылуучу зат жана ок атуучу куралды колдонуу менен ишке ашырылышын пландаштырышкан.
Кармалган кылмыштуу топтун мүчөлөрү УКМК тергөө камак жайына киргизилди. УКМК кылмыштуу топтун башка мүчөлөрүн түзүү жана тартуу боюнча ыкчам-иликтөө иш-чараларын улантууда.