Экс-президент Курманбек Бакиевдин инисинин кызы Сымбат Маратбек 2022-жылдын январында Кыргызстанга 100дөн ашык электромобилдерди алып келет. Ал “Spark” компаниясында электромобилдерди сатуу жана тейлөө, электр кубаттоочу станцияларын орнотуу менен алектенет. Бул тууралуу ал журналисттерге билдирди.
Анын айтымында, учурда электромобилдер үчүн электр кубаттоочу станциялар орнотулууда. Ошондой эле электр кубаттоочу станцияларды стратегиялык объектилерге, Ысык-Көл, Жалал-Абад облустарындагы жана Бишкек шаарындагы соода борборлоруна орнотуу пландалууда.
«Учурда Кыргызстанда 400гө жакын электромобиль бар. Биз таксилерди жана коомдук транспортторду электромобилге өткөрүү аракетин көрүп жатабыз», — дейт ал.
Белгилей кетсек, Сымбат Маратбек Кыргызстандын Германиядагы мурдагы толук жана ыйгарым укуктуу элчиси Курманбек Бакиевдин иниси Марат Бакиевдин кызы.
