Куткаруучулар дем алалбай калган 2 жаштагы наристенин өмүрү сактап калышты. Бул тууралуу ӨКМдин басма сөз кызматы билдирди.
Маалыматка ылайык, кечээ, 16-декабрь күнү болжол менен 18:00 чамасында Бишкектин Абдрахманов жана Токтогул көчөлөрүнүн кесилишинде нөөмөттөн кайтып келе жаткан Куткаруу кызматынын унаасы жолдон өтүү кезегин күтүп, токтоп турган маалда жакын жерде жаш келиндин баласы тилин жутуп, эс учун жоготкондугун айтып, жардам сурап кайрылган.
Жерине ыкчам түрдө Бишкек шаардык Куткаруу кызматынын 3 куткаруучусу жетип барып, 2020-жылы туулган А.Ч. аттуу баланын тилин чыгарышып, жасалма дем алдыруу жолу менен дем алышын калыбына келтиришкен.
Андан соң наристени N3 шаардык балдар ооруканасына жеткиришкен.
