Бүгүн көпчүлүк аймактарда жамгыр жаап, күн күркүрөп, бийик тоолуу райондорго кар түшөт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй, Ош, Жалал-Абад облустарында +22…+27, Талас менен Баткен өрөөндөрүндө +21…+26, Ысык-Көлдө +15…+20, Нарын жергесинде +17…+22 градус болот.
Бул күнү Ош калаасында жамгыр жаайт. Термометр Бишкекте +23…+25, Ошто +24…+26 градусту көрсөтөт.