Бүгүн күндүз көпчүлүк аймактарда жаан жаап, күн күркүрөп, тоолуу райондордо кар, айрым жерлерде жаан-чачын катуу жаайт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9, айрым учурларда 15-20 метрге жетет.
Абанын температурасы Чүй, Ысык-Көл, Нарын аймактарында +12…+17, Талас өрөөнүндө +10…+15, Ош, Жалал-Абад жана Баткен облустарында +17…+22 градус жылуу болот.
Ош жана Бишкек шаарларында күн күркүрөп, жамгыр жаап, күндүн табы борбор калаада +13…+15, Ошто +19…+21 градуска чейин көтөрүлөт.
