Кылмыштуу топ түзүү фактысы боюнча 2 милиция кызматкери кармалды. Бул тууралуу УКМКдан билдиришти.
Маалыматка караганда, 16-октябрда Бишкек ШИИБнин БМЖККнын ыкчам кызматкери, милициянын майору М.3.М. жана Биринчи Май райондук ички иштер башкы башкармалыгынын 5-шаардык милиция бөлүмүнүн ыкчам кызматкери, милициянын капитаны И.К.Ж. кармалды.
«Тергөөнүн жүрүшүндө бул кызматкерлер ИИМ БМЖККнын кызматкерлеринен турган кылмыштуу топ менен түздөн-түз байланышта болгондугу, алар кылмыш ишин козгоо шылтоосу менен баңгизатын жеке колдонуу үчүн сатып алууну көздөгөн адамдардан акча талап кылуу менен алектенгендиги аныкталды. Кармалгандар убактылуу кармоочу жайына киргизилди. УКМК ушул сыяктуу кылмыштарга дуушар болгон жарандарды (0312) 66-04-75 жана 0708 72 28 01 телефондору аркылуу кабарлап коюуну өтүнөт. Атын атабоого кепилдик берилет»,- деп берилет маалыматта.
